Swiony.pl

Matka z łojcym bydom 24 na doba łazić po placu za 11 letnim bajtlem. Jo wracoł w tym wieku ze szkoł piechty 20 minut do dom, mogłech robić byle co w sumie, bo jak rozumia rodzic mioł przyłazić po mie i za raczka abo 3 metry za mnom ciś coby dać pozór bych czegoś niy nazgobioł. Tekst kaj som rodzice je tak debilny, ze sie gafceć na to niy do. Jak matka je w doma i sie pódzie wysikać, a bajtel 11 letni we tym czasie zrobi na zlosc i dotknie w kuchni ciepłego gorka milo, ze mama godała dej pozór, bo gorkie, bo sie warzy łobiod to tyż bydzie kaj rodzice? My za bajtla skokali po chlywikach, garażach, na stromy włazili. Dzisioj knipsnij fotka co bajtle ze chlywików skokajom to by larmo na cołki internet było, że kaj rodzice.. Zwróciłaś uwaga jako osoba madrzejszo i bardzi roztropno, ale skad sie czepiać jakichs tam rodziców abo udowodnijcie, że nigdy w zyciu żeście niy przeleźli 3 metry obok pasów, wymusili lekko pierwszeństwo, staneli w 20% na pasach przesuwajac sie w korku badz zaparkowali na chwila kajś na chodniku i utrudnili przejscie pieszym by pobiec do apteki, bankomatu, kajkolwiek. Kozdy poradzi yno zwracać uwaga inkszym, ale chciolbych tak umiec przeswietlić zycie tych idealnych. Pyrsk

Na piwie.